Uzbekistan Airways Islomobodga yangi reyslarni yo‘lga qo‘ymoqda Uzbekistan Airways Pokistondagi yo‘nalishlar tarmog‘ini kengaytirmoqda. Lahorga parvozlar tiklangandan so‘ng, endi aviakompaniya 14-iyundan boshlab Toshkent – Islomobod – Toshkent yo‘nalishi bo‘yicha muntazam aviaparvozlarni yo‘lga qo‘ymoqda. Aviabiletlar allaqachon sotuvda! Pokiston – Uzbekistan Airways uchun ilk xalqaro yo‘nalishlardan biri bo‘lib, pandemiya tufayli vaqtincha to‘xtatilgan reyslar 2024-yil noyabrida Lahorga parvozlar bilan tiklangan edi. Endilikda esa bu yo‘nalish Islomobod orqali kengaymoqda. Yangi aviaqatnovlar har shanba kuni quyidagi jadval asosida amalga oshiriladi (mahalliy vaqt bilan): Toshkentdan jo‘nab ketish: 08:50 Islomobodga yetib borish: 10:50 Islomoboddan jo‘nab ketish: 11:50 Toshkentga yetib borish: 13:50 Chipta narxlari: Bir tomonlama: 2 253 000 so‘mdan boshlab Ikki tomonlama: 4 676 000 so‘mdan boshlab Toshkent – Lahor – Toshkent reyslari esa chorshanba va juma kunlari mavjud. ???? Aviabiletlarni quyidagi manzillarda xarid qiling: gouzbekistan.com Uzbekistan Airways ilovasida Uzbekistan Airways savdo ofislarida Rasmiy agentlardan   ...

Hunnu Air Mongoliyadan Toshkentga muntazam aviareyslarni yo‘lga qo‘ymoqda Toshkent, O‘zbekiston – gouzbekistan.com. 2025-yil sentabr oyidan boshlab Mongoliyaning xususiy aviakompaniyasi Hunnu Air Toshkent va Ulan-Bator o‘rtasida muntazam to‘g‘ridan-to‘g‘ri parvozlarni amalga oshiradi, deya xabar bermoqda Uzbekistan Airports matbuot xizmati. Mazkur yo‘nalish bo‘yicha aviareyslarni yo‘lga qo‘yish bo‘yicha kelishuvlar Toshkentda o‘tgan ikkinchi muzokaralar bosqichi davomida Hunnu Air bosh direktori ishtirokida erishilgan. ???? Parvozlar haftasiga ikki marta amalga oshiriladi va Embraer 190 samolyotlarida bajariladi. Hunnu Air rahbari Toshkentni nafaqat turizm va biznes safarlari uchun jozibador manzil, balki mintaqaviy tranzit markazi sifatida ham yuqori baholayotganini ta’kidladi.   ...

Toshkent, O‘zbekiston – gouzbekistan.com. Janubiy Koreyaning yirik loukoster aviakompaniyalaridan biri – T’way Air, Seul – Toshkent – Seul yo‘nalishida muntazam yo‘lovchi reyslarini boshlamoqda. Bu haqda Uzbekistan Airports xabar bermoqda. ???? Birinchi parvoz 2025-yil 23-may kuni amalga oshiriladi. ✈️ Parvozlar haftada to‘rt marta – dushanba, chorshanba, juma va yakshanba kunlari bajariladi. Ushbu yo‘nalishda Boeing 777-300 va Airbus A330-300 samolyotlari xizmat qiladi.   ...

Buxoro – tarixiy obidalar, madaniyat va ruhiy poklanish maskani. Buxoro — O‘zbekistonning eng qadimiy va tarixiy shahri bo‘lib, uning tarixi 2500 yildan ortiq vaqtni qamrab oladi. Shahar qadimdan Markaziy Osiyoning muhim siyosiy, iqtisodiy va dini markazlaridan biri bo‘lgan. Islom olamining eng nufuzli ilmi va ma’rifat maskanlaridan biri sifatida tan olingan Buxoroda ko‘plab ulamolar, mutafakkirlar va shayxlar yetishib chiqqan. Jumladan, Imom Buxoriy, Bahouddin Naqshband, Abu Ali ibn Sino kabi buyuk allomalar shu hudud bilan bog‘liq. Shahar markazida joylashgan Ark qal’asi — qadimiy hukmdorlar qarorgohi bo‘lib, hozirgi kungacha saqlanib qolgan. Kalon minorasi esa o‘zining ulug‘vorligi va betakror me’morchilik uslubi bilan ajralib turadi. U 12-asrda qurilgan bo‘lib, o‘sha davrda imomlar azon aytgan eng baland inshoot hisoblangan. Mir Arab madrasasi — bu islomiy ta’lim markazi bo‘lib, yillar davomida minglab talabalar bu yerda tahsil olishgan. Hozirgi kunda ham mazkur madrasa faoliyat yuritmoqda va turli davlatlardan kelgan mehmonlarni o‘ziga jalb etadi. Buxoro qadimdan Ipak yo‘lining muhim nuqtalaridan biri bo‘lgan. Bugungi kunda ham sayyohlar bu yerda qadimiy bozorlar — masalan, Toqi Zargaron, Toqi Telpakfurushon, Toqi Sarrafon kabi savdo do‘konlarida an’anaviy hunarmandchilik mahsulotlarini topishlari, gilamlar, zargarlik buyumlari va milliy kiyimlarni xarid qilishlari mumkin.   ...